• 4349 барлығы
  • 17 бір айлық
  • 0 апта ішінде

Ақпарат орталығы

  • Мен Қазақстандықпын! 08 Желтоқсан 2017

    Бүгін ҚарМТУ-де 8 желтоқсан күні Қарағанды қаласы Жастар ресурстық орталығы оқушылар мен колледж студенттерінен құралған командалар арасында  «Мен Қазақстандықпын» халықтар бірлігі клубының» қортындылау отырысы өтті.

     

  • Латын жазуы – мемлекеттік тілдің тірегі 08 Желтоқсан 2017

    Ағымдағы жылдың 8 желтоқсаны «Рухани жаңғыру» бағдарламасын жүзеге асыру аясында М.Әуезов атындағы Орталық қалалық кітапханасында  «Латын жазуы – мемлекеттік тілдің тірегі» тақырыбында ашық мінбер өтті.

     

  • Қарағандылықтар бизнестің әлеуметтік жауапкершілігі жөніндегі «Парыз» конкурсының жүлдегері атанды 08 Желтоқсан 2017

    Биылғы жылғы 6 желтоқсанда Астана қаласындағы Конгресс-Орталықта Мемлекет басшысы Н.Ә.Назарбаевтың қатысуымен бизнестің әлеуметтік жауапкершілігі жөніндегі «Парыз - 2017» конкурсының лауреаттарын салтанатты марапаттау рәсімі өткізілді.

     

  • Жұмыс бар! 08 Желтоқсан 2017

    Бүгін 8 желтоқсан күні Қарағанды қаласы  автовокзалының аумағында Жастар ресурстық орталығының ақпараттық тобы халықты жұмыспен қамту орталығымен бірлесе өзін-өзі жұмыспен қамтушы жастар арасында кезекті «Бәріне қолжетімді жұмыс!» атты акциясын өткізді.

    Акция барысында мемлекеттік бағдарламалар туралы хабардар болу деңгейі және өзіндік жұмыспен қамтылудың себебін білу мақсатында халық арасында кішігірім сауалнама жүргізді, сондай-ақ жұмысқа орналастыру бағдарламалары бойынша ақпараттық түсіндірме және жастарды жұмыспен қамту деңгейін көтеру, сонымен қатар міндетті әлеуметтік медициналық сақтандыру, «Өрлеу» жобасы, әлеуметтік жұмыс орындары, кәсіптік оқыту, жастар практикасы бойынша ақпараттық бүктемелер таратылған болатын. 
             Сонымен қатар, сауалнама нәтижелері негізінде халыққа бүгінгі таңдағы өзекті бос жұмыс орындар тізімімен танысу ұсынылды. Акцияға 80 адам қатысты. 

  • Қарағанды қаласында бірінші қалалық Жаңа жылдық фестиваль ұйымдастырылмақ 07 Желтоқсан 2017

    Жаңа жылдық мереке қарсаңында қала тұрғындары өздерін дизайнер ретінде, нақтырақ айтқанда, Жаңа жылдық шыршаның дизайнері ретінде байқап көру мүмкіндігіне ие болады.

    «Қарағандының креативті шыршасы» фестиваліне тілек білдірген барлық адамдар қатыса алады. Өздерінің креативті идеяларын бір адам ғана емес, ұжым, топ немесе ұйым атынан білдіру мүмкіндігі бар. Әр қатысушы биіктігі 3 метрден кем болмайтын безендірілген шыршаны ұсынуы қажет. Ең бастысы, шырша дизайнерлері өз мерекелік  ерекше және бірегей түрде безендіруі керек. Қарағандылықтар дәстүрлі шыршаны ғана емес, түрлі материалдарды пайдалану арқылы жасалған қылқан жапырақты ағаштардың инсталляциясын да ұсына алады. Ең бастысы, жұмыс махаббат пен үйлесімділік сияқты шынайы құндылықтарды қамтуы қажет.

    «Қарағандының креативті шыршасы» бірінші қалалық фестивалі  каскад алаңын бойлай Бұқар жырау даңғылынан орталық саябақтағы жағажайға дейін созылмақ. 

    Жаңа жылдық жобаға қатысушылар өз шыршаларын 2017 жылғы 24 желтоқсанға дейін құрастырып, 2017 жылғы 25 желтоқсанда орната алады.

    2017 жылғы 26 желтоқсанда конкурстық комиссия ең үздік шыршаны 5 баллдық шкала бойынша таңдап алады. Таңдау барысында көркем ойдың бірегейлілігі, орындалған жұмыс сапасы, фактурасы және жұмыстың жай-күйі ескеріледі. Үш үздік жұмыстың авторлары бағалы сыйлықтармен марапатталады.

    Қарағанды қаласы әкімдігінің қолдауымен фестивальді «Мәдениет, демалыс саябақтары және гүлзарлар басқармасы» КМК ұйымдастырмақшы. Аталмыш шара саябақты ерекше безендіру арқылы қала тұрғындары мен қала қонақтарына мерекелік көңіл-күй сыйлап, қаланы безендіруде дарынды қатысушылар өз идеяларын жүзеге асырады деген үмітте. Сонымен қатар «Қарағандының креативті шыршасы» бірінші қалалық фестивалі қаламыздың жыл сайынғы мерекелік дәстүрінің біріне айналады деп жоспарлап отыр.

    Барлық сұрақтар бойынша «Мәдениет, демалыс саябақтары және гүлзарлар басқармасы» КМК-не 30-44-19 телефоны арқылы хабарласуға болады.      

  • «Жастар арасындағы діни мәселелер» атты кездесуі өтті 06 Желтоқсан 2017

    Қарағанды қаласының жастар ресурстық орталығы 2017 жылдың 6 желтоқсанында Тау-кен индустриалды колледжінің студенттеріне «Жастар арасындағы діни мәселелер» атты кездесуін өткізді.   

    Баяндама жасағандар: Қарағанды жастар орталығының өкілдері, «Нұрлы білім» ҚҰ теологы С.Момынжанов.

    Кездесуде зайырлы мемлекеттегі діннің, діни радикализм және экстремизмнің ықпалын болдырмау мәселелері талқыланды. Сондай-ақ жастар саясаты, атап айтсақ, жас қазақстандықтардың рухани және адамгершілік тәрбиесі, азаматтық ұстанымдарын қалыптастыру мәселелері де көтерілді.

    Жалпы кездесуге барлығы 35 студент қатысты.

    Кездесудің соңында дін мәселесіндегі сұрақтар туындаса Республикалық қауырт желі – 114 (87770000114) және 8(7212) 30-07-44 сенім телефоны мен террористік қатерлерге байланысты хабарламалар болса «110» номеріне   хабарласу керектігі ескертілді. 

  • «Durys jazai`yg» интерактивті тренингі 06 Желтоқсан 2017

    6 желтоқстан күні «Қарағанды қаласының Жастар ресурстық орталығы» КММ ұйымдастыруымен «Болашак» Академиясында «Durys jazai`yg» интерактивті тренинг өтті.

    Іс – шара барысында студенттерге қазақ тілінің латын қарпіндегі жаңа әліпби слайд және бейнеролик түрінде көрсетілді. Қатысушылар латын графикасына арналған тренингтерге қатысты.

     

     

     

  • Иппотерапия пайдасын сынап қайтты 06 Желтоқсан 2017

    Қарағанды қаласында ағымдағы жылдың желтоқсан айынан бастап «Рухани Жаңғыру» жобасы аясында «Мүмкіндігі шектеулі тұлғаларды иппотерапия арқылы сауықтыру мен оңалту» әлеуметтік жобасы іске асырылуда.

                 Жобаның мақсаты баланың белсенді және белсенді емес қозғалысын қалпына келтіру және жақсарту болып табылады. Баланың функционалды мүмкішіліктерін жақсарту. Ерекше қажеттіліктері бар балалары бар отбасыларға көмек. 

  • Зейнетақы заңнамасындағы өзгерістер 06 Желтоқсан 2017

    2018 жылдан бастап әйелдердің зейнеткерлікке шығу жасын ұлғайту және базалық зейнетақыны есептеуге қатысты өзгерістер күшіне енеді. 

     

  • «Кино әлемінің корифейі» арт-көрмесі 05 Желтоқсан 2017
    «Рухани жаңғыру» бағдарламасының аясында ағымдағы жылдың 5 желтоқсаны М.О.Әуезов атындағы орталықтандырылған кітапхана жүйесінде ҚММу студентерінің, № 3 мектеп-гимназиясының, № 52 ЖББОМ оқушыларының қатысуымен  Қазақстан Республикасының халық әртісі, қазақ театры мен киносының режиссеры, сценарист, педагог Асанәлі Әшімовтың 80 жылдық мерейтойына  арналған «Кино әлемінің корифейі»  арт-көрмесі өткізілді. Іс-шараның негізгі идеясы - жастардың білімі мен көкжиегін кеңейту, тарихи тұлғаларды құрметтеу және әдемі өмірге қосылу.

             Шараның мақсаты оқушыларды ҚР халық әртісі, Қазақстанның еңбек сіңірген мәдениет қайраткері А.Әшімовтың шығармашылығымен таныстыру; оқушылардың кино өнеріне деген сүйіспеншіліктерін, келер ұрпақтың мәдени-эстетикалық танымдарын қалыптастыру.

    Шара барысында  А.Әшімовтің өмірбаяны мен шығармашылық өнер жолынан мол мағлұмат берілді. Қатысушыларға Асанәлі Әшімовтің кино әлеміндегі Қазақстандық бренд болып табылатыны,  қазақ шығармашылық ортасының корифейі және мемлекеттің құрметті азаматы екендігі жөнінде түсінік берілді.  Көрме кино таспасының үлгісінде әзірленіп, актердің әр жылдарда түскен фильмдерінде рөлін сомдаған кейіпкерлерімен таныстырылды және  фильмдерден үзінді-бейнероликтер көрсетілді.  Асанәлі Әшімовтің 80-жылдығына арналған «Шарайна – шындық шебері» атты деректі фильмі ұсынылды және  өз еңбектері мен шығармашылығы туралы әдебиеттердің ашық көрмесіне библиографиялық шолу жүргізілді.

             Қаланың кітапханаларында арт көрме ұйымдастырып, өткізу шығармашылық тұлғаларға құрметпен қарауға үйретеді. Қаламыздың ЖОО студенттері мен мектеп оқушылары көрнекті әртістің жетістіктері және еңбек жолымен танысты.

             

  • "Замандас-2017" байқауының жеңімпаздары мараптталды 01 Желтоқсан 2017

     

    Бүгін ҚР Тұңғыш Президенті күніне орай Қарағанды қаласының дамуына қосқан үлесі үшін 10-шы мерейтойлық қалалық «Замандас-2017» конкурсының жеңімпаздарын салтанатты марапаттау рәсімі өтті.  Әлеуметтік маңызы бар жоба биыл 10-шы рет ұйымдастырылуда. 2017 жылы конкурс бекітілген Концепцияға сәйкес «Тиімді серіктестік» атты 1 ғана номинация бойынша өткізілді, өйткені, ұйымдастырушылар мен қазылар алқасы мүшелерінің шешімімен қаламыздың дамуына елеулі үлес қосқан серіктестерді марапаттау керектігі мақұлданды. Олардың қатарында депутат, бизнес өкілдері, шығармашылық өкілдері, журналист бар. Барлығы 7 адам. Жеңімпаздар конкурстың бас жүлдесіне, дипломдар мен сыйлыққа ие болады. Өз құттықтау сөзінде қала басшысы Нұрлан Әубәкіров «әр адам үнемі дамып, жетіліп, үйреніп отыруы керек. Сол кезде ғана ісі берекелі, табысты болады. Барлықтарыңызға жемісті еңбек, сарқылмас шабыт пен талмас қанат  тілеймін!», деді.

  • Бір ел – бір тағдыр – бір Елбасы! 30 Қараша 2017

    Қарағанды облысының көптеген жастары үлкен медиа-жобаға қатысты. Сонымен қатар, аталған шараға Елбасымен бірге әр жылдары бірге білім алып жұмыс істеген замандастары, Қарағанды қаласының құрметті азаматтары да қатысты.

    Украинаның  Нұрсұлтан Назарбаев білім алған Каменское, бұрынғы Днепродзержинск қаласынан  арнайы қонақтар шақыртылды: ол Елбасымыздың спорт жаттықтырушысы Ежевский Лев Рудольфович – Қазақстан мен Украинаның еңбек сіңірген жаттықтырушысы және Каменское қаласының қалалық басшысы мэр Белоусов Андрей Леонидович.

    Бір ел – бір тағдыр – бір Елбасы! Шараға мектеп оқушылары, ЖОО студенттері, спортшылар, жастар ұйымының өкілдері, шығармашылық ұжымдар ерекше белсенділік көрсете қатысты.              
             Медиа-жобаның аясында зияткерлік сұрақ-жауап сайысы ұйымдастырылды. Оған барлығы 9 команда қатысты. Қатысушыларға Елбасының өмірі жайлы қойылған сұрақтарға белсенді жауап беріп, өз білімдерін көрсету керек болды. Барлық қатысушы командаларға Қарағанды қаласы әкімінің атынан естелік сыйлықтар табысталды.

    М.Әуезов атындағы кітапхана және Тұңғыш Президенттің тарихи-мәдени орталығы кітап көрмесін ұйымдастырды.

     

     

     

     

     

     

     

     

     

     

     

     

     

     

  • Елбасы – Ел тірегі! 30 Қараша 2017

    Қазақстан Республикасы Тұңғыш Президентінің күні - бұл шын мәнінде ұлтқа айналған ұлттық мереке болып табылады.

    Қарағанды қаласында Қазақстан Республикасы Тұңғыш Президентінің күніне орай мүмкіндігі шектеулі балаларға арналған облыстық өлкетану мұражаына экскурсия ұйымдастырылды, сонымен қатар, Абай атындағы кітапханада «Елбасы - Ел тірегі» тақырыбында ашық сабақ және сынып сағаты өткізілді, сондай-ақ аз қамтылған отбасыларға азық-түлік жиынтықтары ұсынылды.

    Бұл күні біз Елбасымыздың мақсаттарына қол жеткізудегі стратегиялық дарындылық, даналық пен шынайы сый-тартудың арқасында, біздің мемлекетіміздің тәуелсіздігінің тарихы басталуы және әлемдік саясатта «Қазақстанның даму жолы» жаңа тұжырымдамасы пайда болғанына мақтан тұтамыз.

    Қайырымдылық шараларды өткізу барысында 173 адам қамтылды.

  • Мүгедек – балаларды тәрбиелеуші ата-аналарға психологиялық көмек және кеңес беру үшін онлайн қолдау қызметін ұйымдастыру туралы 30 Қараша 2017

    2015 жылдың шілде айынан бастап Қазақстан Республикасы Денсаулық сақтау және әлеуметтік даму министрлігі, Қазақстан Республикасы Денсаулық сақтау және әлеуметтік даму министрлігінің «Зейнетақы төлеу жөніндегі мемлекеттік орталық» РМҚК және Қазақстан – Ресей медициналық университетінің (бұдан әрі – ҚРМУ) қолдауымен мүгедек – балаларды тәрбиелеуші ата-аналарға онлайн қолдау бойынша жобаны жүзеге асырды. Қызметтің негізгі міндеті мүгедек-балаларды тәрбиелеуші отбасыларға психологиялық денсаулық, отбасыда оңтайлы әлеуметтік-психологиялық климат қалыптастыру шарттарын құру мақсатында кеңестік көмек көрсету және мүгедек-балаларды тәрбиелеуші адамдарға психологиялық қолдау көрсету болып табылады.

    1411 тегін бірыңғай қысқа нөміріне қоңырау шала отырып, мүгедек балалар тәрбиелеп отырған ата-аналардың психологиялық көмек және консультация алу үшін кезекті брондау мүмкіндігі бар.

    Мүгедек-балаларды тәрбиелуеші тұлғаларға онлайн-психологиялык кеңес беру Қазақстан-Ресей медициналық университетінің мамандарымен жүзеге асырылады.

    Толық ақпаратты 1411 телефоны бойынша алуға болады. Сіз, қалалық және ұялы телефон арқылы қоңырау шала аласыз. Қоңырау шалу-тегін.

    Онлайн-психологиялық кеңес алу үшін;

    · Интернетке қосылған компьютер;

    · Веб-камера;

    · Компьютерге қосылған микрофоны бар құлаққаптар немесе динамиктер;

    · Бейнелі Skype арқылы алмасу бағдарламасы болу тиіс.

    Қосылу Skype(скайп атауы) адресі;krmu1411

  • "Күрес үшін жаралғандай..." 30 Қараша 2017

    Бүгін қала әкімі Нұрлан Әубәкіров бар сән-салтанатымен украиналық қонақтарды қарсы алды. Қарағанды шаһарына Украинаның Каменское қаласының басшысыАндрей Белоусов пен Днепродзержинск қаласының құрметті тұрғыны, Украинаның ғана емес, Қазақстанның да құрметті жаттықтырушысы Лев Ежевский ат басын тіреді. Днепродзержинск қаласында бала Нұрсұлтанды күрес өнеріне баулып, спортқа ебі бар екен, деп баға берген осы Лев Ежевский еді.  Әкімдік қабырғасында бүгін спорт әлемінің майталмандары, бүгінде жаттықтырушы атанған қарағандылықтар, көршілес елден келген сыйлы қонаққа сәлем беруге келген азаматтар бас қосты. Қарағанды әкімі Нұрлан Әубәкіров өңіріміздің спорттағы жетістіктері мен жүзеге асырылып жатқан тың шаруаларын тілге тиек етті. Келген қонақтар да өз қалаларында халықты спортқа баулу жолында қандай шаралар ұйымдастырылатынынан хабар берді. Кездесу ерекше ықыласпен өтті. Өткен-кеткен дүниелер еске алынып, жарқын болашаққа көз тасталды. Игі дәстүрімізге сай, қала басшысы сыйлы қонақтардың иықтарына шапан жаппай, қолдарына тәбәріктен ұстатпай жібермеді. Кездесу соңында естелік суретке түсіп, жиналған қауым Серік Сәпиев атындағы бокс Орталығында Тұңғыш Президент күніне орай ұйымдастырылған  мерекелік шараға бет алды.