Қарағандыда
  • USD 377.95
  • EUR 431.20
  • RUB 5.66
Қала әкімдігінің ресми интернет ресурсы

Ақпарат орталығы

ГлавнаяАқпарат орталығы

    Мектеп оқушыларын «Уақыт арасындағы саяхат» интерактивті көрмеге шақырады

    Қарағанды облыстық тарихи-өлкетану мұражайында 1-ші қаңтардан бастап балаларға арналған «Уақыт арасындағы саяхат» атты интерактивті көрме өтуде. Ол 15-ші қаңтарға дейін жалғасады.

    Көрмеде танымал кеңес үкіметі кезіндегі сағат жасаушы зауыттардың өнімдерін тамашалауға болады. Барлық жәдігерлер мұражай қорынан алынған.

    - Мұнда «Маяк» Сердобск сағат зауытының, «Янтарь» Орлов сағат зауытының және тағы да басқа зауыттардың қабырғаға ілінетін, қолға тағатын сағаттарын көруге болады, - дейді мұражай директорының орынбасары Дәурен Жүсіпов.

    Көрменің ең бағалы жәдігері - «Николай Линденъ» фирмасының ХІХ ғасырдағы қабырғаға ілінетін сағаты. Николай Линден танымал петерборлық көпес болған, 1888-ші жылы ол Невск даңғылында зергерлік бұйымдар және сағаттарды жөндейтін шеберхана ашқан.

    Мұражайдағы интерактивті көрме мектеп оқушылары үшін ерекше қызықты болмақ. Онда сонымен қатар әлемдегі алғашқы сағаттардың макеттерін тамашалуға болады: күн, құм, су және от сағаттары.

    Көрмеге келушілер үшін фото аумақ инсталляциясы ұйымдастырылған: сағатшының жұмыс кабинеті, ғашықтардың кездесетін жері, сағат механизмінің инсталляциясы. Мұражай қызметкерлері қызықты викториналар және интерактивті ойындар өткізеді.

    Дәурен Жүсіповтың айтуынша, интерактивті көрменің мақсаты – мұражайға келушілерді сағаттардың пайда болуы және дамуы туралы тарихмен таныстырып, сағаттың атқарымдары мен оның адам өмірінде алар орны туралы баяндау болып табылады.

    - Ол өскелең ұрпаққа уақытты бағалауды үйретеді, - деп атап өтті Дәурен Жүсіпов.
     

Афиша

Мақтан тұтамыз!

Бокс

ГеннадийГоловкин

Бокс

СерикСапиев

Футбол

ФК
Шахтер

Коньки

АйдоваЕкатерина