Қарағандыда
  • USD 435.54
  • EUR 473.08
  • RUB 5.76
Қала әкімдігінің ресми интернет ресурсы

Ақпарат орталығы

ГлавнаяАқпарат орталығы

    Сарапшы: Елбасы мақаласының идеологиялық маңызы зор

    Источник strategy2050.kz

    Бүгін Қазақстан Республикасының Тұңғыш Президенті – Елбасы Нұрсұлтан Назарбаевтың "Бірлесе білген ел бәрін жеңеді" атты мақаласы жарияланған еді. Осыған орай елбасы үндеуіне ҚР Тұңғыш президенті қоры жанындағы ӘЭСИ сарапшысы Ерлан Мәдиев пікір білдірді. Оның сөзінше, Назарбаев мақаласында ұзақ мерзімді стратегиялық, идеoлогиялық мәселелерге баса назар аударған, деп хабарлады Strategy2050.kz тілшісі.

    Сарапшы өз сөзінде елбасы мақаласының идеологиялық маңызын атап өтті. Оның айтуынша, ол қазіргі дағдарыс кезеңінде халықты бірлікке, бірігіп әрекет етуге, мемлекет алдындағы жауапкершілікті сезінуге шақырған.

    "Елбасы үндеуінде қазақстандықтарды ауызбіршілікке, ынтамақтастыққа, сабырлылыққа шақырады. Мәселен, қазір әлемдік тәжірибеге үңілетін болсақ, кооронавирустың етек жаюына жол бермеген мемлекеттердің іс-тәжірибесіне қарасақ, мемлекет тарапынан қолға алған шаралардан бөлек, қоғамның өзі де індеттің таралуына жол бермей, бесенді түрде атсалысты. Мемлекет қабылдаған шараларды халықтың қолдауы, оған түсіністікпен қарауы, осындай сәтте азаматтық жауапкершілігін көрсетуі - өте маңызды. Осы орайда, елбасы Қазақстан халқын бірлікке үндеген болатын", - деді Ерлан Мәдиев. 

    Сонымен қатар сарапшы елбасы мен қазіргі президенттің үндеулеріндегі басты ерекшелктерге тоқталды. Оның сөзінше, Нұрсұлтан Назарбаев стратегиялық, идеологиялық маңызы бар мәселелерді көтерген.

    "Қазіргі президенттің үндеулерімен салыстырсақ, бұл мақалада статистиканың, мемлекеттің қысқа мерзімді жұмысына қатысты міндеттемелер, сандар жоқ. Көбінесе стратегиялық, идеологиялық маңызы бар мәселелер қозғалған. Осы орайда елбасының қазіргі саяси жүйедегі рөлі анық байқалады. Оның басты міндеті мемлекеттік органдардың күнделікті жұмысына араласу емес, ел өмірінде маңызды орын алатын ұзақ мерзімді жоспарлар, стратегиялар жөнінде президентке, үкіметке кеңес беру. Қоғамға бағдар көрсету. Елбасының рөлі осындай аспектілерден байқалып отыр", - дейді сарапшы. 

    Сонымен қатар сарапшының айтуынша, елбасы мемлекеттің іске асырып отырған жобаларына, заң сақтау органдарының, медицина саласы қызметкерлерінің жұмысына оң баға берген. "Бұл елбасының қазіргі таңда Қазақстанның ішкі және сыртқы жағдайынан хабардар екенін, жіті қадағалап отырғанының көрсеткіші", - деді Ерлан Мәдиев.

    Сондай-ақ ол мақалада елбасының ұзақ мерзімді стратегияға көңіл бөлгенін атап өтті. Оның сөзінше, Назарбаев атап өткендей, қазіргідей дағдарыс кезеңінде қолда бар барлық ресурсты тиімді пайдаланауымыз керек.

    "Ұлттық қордағы резервтер, алтын-валюталық резервтер Қазақстанның ұзақ мерзімді тұрақтылығын қамтамасыз ететін бірден-бір стратегиялық маңызы бар ресурс. Біз ұзақ мерзімді стратегияға көңіл бөлуіміз керек. Тек Қазақстан емес, барлық мемлекет дағдарыс кезеңінде тұр. Осы кезде мемлекет белгілі бір тапшылыққа тап боолуы мүмкін. Елбасы айтқандай, мұндай кезде қолда бар ресурстарды тиімді  пайдалануымыз қажет. Біз мультипликативті әсері бар салаларға қаржы жұмсауымыз керек. Бұл дегеніміз инвестицияның қайтарылымы тек қана белгілі бір индивидке ғана емес, бүкіл қоғамға пайда келтіретін салаларға салынуы керек", - деді сарапшы.

    Сонымен қоса ол елбасы атап өткендей, отандық өнеркәсіпті қолдап, қарапайым нәрселер экономикасына ақша құю қажеттігін тілге тиек етті. "Осылайша, еліміз тауар өндіру жөнінен дербестігін сақтай алады. Сондай-ақ ауыл шаруашылығына қаржы бөлу керек. Бұл азық-түлік қауіпсіздігін қамтамасыз етеді, бұл жаңа жұмысы орындарының құрылуына септігін тигізеді. Ал жаңа жұмыс орны халықтың әлеуметтік жағдайын жақсартады. Бар қаржыны тиімді, әрі ұзақ мерзімді стратегиялы салаларға жұмсауымыз қажет", - деп түйіндеді Ерлан Мәдиев.

    Назерке Сүйіндік