Қарағандыда
  • USD 443.50
  • EUR 479.47
  • RUB 5.79
Қала әкімдігінің ресми интернет ресурсы

Ақпарат орталығы

ГлавнаяАқпарат орталығы

    Қарағанды облысының ірі кәсіпорындары штаттық режимде жұмыс істейді

    Қарағанды облысында ірі өндірістік кәсіпорындар штаттық режимде жұмыс істейді. Компаниялар кеңседегі қызмеркерлерін қашықтықтан істейтін жұмыс режиміне ауыстырды. Объектілерде санитарлық-дезинфекциялық режим күшейтілген.


    "Қазақмыс" корпорациясы медициналық куәландыру орындарының санын арттырды. Температуралық бақылау жүргізілуде.
    "АрселорМиттал Теміртау" компаниясы қызметкерлерді оқыту курсын тоқтатты. Жұмыс орындарында қолға арналған антисептиктер бар аппараттар орнатылды. Үй-жайларды жинау тәртібі үдетілді. Жұмыс автобустары да дезқұралдармен үнемі өңделеді.
    Басқа ірі кәсіпорындар үй-жайларды кварцтайды. Кейбіреулер тепловизорларды кіре берісте орнатуды жоспарлап отыр.


    Сонымен қатар, компаниялар барлық халықаралық іссапарларды тоқтатты.
    Облыстың тіршілікті қамтамасыз ету объектілері штаттық режимде жұмыс істейді және тұтынушыларды коммуналдық қызметтермен тұрақты қамтамасыз етеді.


    Өңірдегі эпидемиологиялық жағдай тұрақты. Коронавирустық инфекцияның жаңа жағдайлары анықталған жоқ. Екі науқас емдеу курсын алуда, олардың жағдайы қанағаттанарлық. Тәулік бойы бақылау жасайтын карантинде 375 адам бар. Бұл 1А санатындағы елдерден оралған немесе шартты түрде жұқтырған адамдармен байланыста болған азаматтар. Тағы 79 адам үй жағдайында карантиннен өтеді.


    Облыстық автомобиль жолдарында санитарлық бекеттер жұмысын жалғастыруда, онда полиция және санитарлық қызмет қызметкерлері бірлесіп кезекшілік етеді. Машиналарда қозғалуға ешқандай шектеулер жоқ. Барлық келетін және кететін жүргізушілер мен жолаушылардың денсаулық жағдайы тексеріледі.
    Облыста су тасқыны жағдайының шиеленісуі жоқ. Ірі су қоймаларында су жіберу ұлғайтылды. Өзендерде және көлдерде еріген суды қауіпсіз өткізу үшін мұзды ұсақтау мен жару жұмыстары жалғасуда. Автомобиль және темір жолдарда су басу жағдайы тіркелген жоқ.