Қарағандыда
  • USD 361.15
  • EUR 414.71
  • RUB 5.53
Қала әкімдігінің ресми интернет ресурсы

Ақпарат орталығы

ГлавнаяАқпарат орталығы

    Мәжіліс депутаттары Жолдаудағы басты бастамаларды өңірлерде талқылап жатыр

    Жолдауынан туындайтын мәселелерді талқылау барысында депутат Жәмила Нұрманбетова бүгінде елімізде 127 үш ауысымдық, 44 апатты мектеп бар. Нақты алғанда 124 мың оқушыға орын жетіспеушілігі байқалатынын, оның ішінде Батыс Қазақстан облысы бойынша 5 үш ауысымды, 5 апатты мектептің бар екенін, бұл 2163 оқушыға орын жетіспейтінін алға тартты.

    Сонымен қатар, депутат Мемлекет Басшысының Жолдауында мектептердегі үш ауысымда оқыту және апаттық жағдайда болу проблемаларын тез арада шешуді атап өткеніне тоқталды.

    Бұл проблемалар бірқатар кешенді шараларды қабылдауды талап етеді. Білім берудің қолжетімділігін арттыру үшін 2019-2021 жылдарға арналған республикалық бюджеттен қосымша 50 миллиард теңге бөлінетін болады. Ағымдағы жылғы құрылысы келесі жылға жалғасатын мектептерді қоса алғанда 94 ауысымдық, 36 апатты мектептің проблемасы өзекті күйінде қалып отыр.

     Жергілікті атқарушы органның құрылыс салу жөніндегі өтініштері республикалық бюджет комиссиясы тарапынан негізсіз деп есептелінеді немесе қабылданбайды. Сондықтан бұл мәселені жергілікті әкімшілік нақтылап, министрлікпен бірге шешуі керек, - деді Ж. Нұрмағанбетова.

     Облыстық білім басқармасының басшысы Шолпан Қадырованың айтуынша, бүгінде Орал қалалық білім беру бөліміне қарасты жалпы орта білім беретін 50 мектеп болса, оның 10-ы инновациялық бағытта және бірі кешкі мектеп. Оның ішінде 23 қазақ тілінде, 14 орыс тілінде және 13 қазақ және орыс тілінде беретін мектептер бар.

    Ал №47 орта мектеп директоры Наталья Ерғожиеваның айтуынша, қазір мектепте 180 мұғалім білім береді. Бәрі дерлік жаңартылған курстардан өткен. Мектеп 3 ауысымда жұмыс жасайды. Мектеп алды даярлық топтары аралық ауысымда оқиды.

    Оқушы санының жылдан-жылға көбеюіне байланысты, 90 сыныптың дене шынықтыру сабағының 1 спорт залында өтуі де қиындық келтіруде. Мәжілісмендер күн тәртібінде тұрған өзекті мәселелерді саралап, алдағы уақытта шешімін табуға ықпал ететіндерін жеткізді.

    Сондай-ақ, Ақтөбедегі  кездесу барысында тұрғындар ұсыныстары мен мәселелерін айтып, Жолдауға байланысты пікірлерін білдірді.

    «Президент биылғы Жолдауында халықтың әлеуметтік жағдайы мен тұрмыс - тіршілігіне қажетті мәселелерді түгел қамтып шықты. Әсіресе, Елбасының ең төменгі жалақыны арттыру, «Педагог мәртебесі туралы» заң қабылдау, білім беру, медициналық қызмет сапасын арттыру туралы тапсырмалары маңызды. Мұның барлығы халықтың қызығушылығын тудырып, олар Жолдауды зор ықыласпен қабыл алды. Биылғы Жолдаудың тағы бір ерекшелігі — «Өз жеріңді танып біл» жаңа бастамасының жүзеге асуы. Бұл еліміз үшін өзекті мәселе - туризмді дамытуға жағдай жасайды», - деді облыстық Қобыланды мемориалдық кешенінің директоры Азамат Қалмағамбетов.

    Депутаттардың айтуынша, осыған дейін тұрғындардан педагогтардың сапалық құрамын арттыру, зейнеткерлікке шығарда және жалақыларын есептегенде ұстаздардың еңбек өтілін ескеру, шалғай елді мекендерді газдандыру, жұмыссыздықты азайту туралы мәселелер қозғалып, рухани құндылықтар жөнінде әңгіме өрбіді.

    «Елбасы тапсырмасына орай жастардың жұмыссыздық мәселесін шешу - стратегиялық міндет. Ақпарат деректеріне сүйенсек, еліміздегі 18 миллион халқымыздың 4 миллионы жастар. Ал олардың 5 пайызы жұмыссыздар қатарында. Кәсіби бағдар беру сабақтарын міндетті оқу бағдарламасына енгізу - оқушылардың қандай мамандықтардың сұранысқа ие болатынын анықтап, қалаған мамандығын игеруіне және жастар арасындағы жұмыссыздық мәселесін оң шешуге ықпал етеді. Сондай-ақ мұғалім - мектептің жүрегі, бала бағбаны. Ұстаздарымыздың қоғамдағы орнын көтеру мақсатында «Педагог мәртебесі туралы» заң жобасы Мәжіліс қабырғасына келеді. Ол педагогтар арасында үлкен серпіліс болатындығы анық», - деп Мәжіліс депутаты Бақытгүл Хаменова білім беру саласында атқарылатын істерге кеңірек тоқталды.

    Мәжіліс депутаты Құралай Қаракеннің айтуынша, медицина саласында жалақыны көтеру оларды оқытудың жаңа әдістеріне қарай 10 мың учаскелік дәрігер мен 30 мың медбикеге қатысты болмақ.

    «Ағымдағы жылы қағазсыз денсаулық сақтау жүйесіне көшу бойынша пилоттық жоба аяқталуда. Ол пилоттық ұйымдардың 92 пайызында іске асырылды. 2019 жылдың 1 қаңтарынан бастап барлық емханалар мен ауруханалар медициналық құжаттаманы қағазсыз жүргізуге көшеді деп жоспарлануда», - деді Құралай Қаракен.

     Осы күні нұротандық депутаттар атақты тарихи тұлға, жоңғар мен қалмақтарға қарсы соғысқан Қобыланды батырдың мемориалдық кешені мен Жиренқопа орта мектебінде болды. Айта кету керек, Мәжіліс депутаттары 27 қазанға дейін Ақтөбе облысының Ырғыз, Мәртөк, Байғанин, Хромтау, Әйтеке би, Мұғалжар, Алға ауданындағы ауыл тұрғындарымен кездесіп, жер-жердегі жағдаймен танысады.
     

Афиша

Мақтан тұтамыз!

Бокс

ГеннадийГоловкин

Бокс

СерикСапиев

Футбол

ФК
Шахтер

Коньки

АйдоваЕкатерина