Қарағандыда
  • USD 388.07
  • EUR 427.54
  • RUB 6.08
Қала әкімдігінің ресми интернет ресурсы

Ақпарат орталығы

ГлавнаяАқпарат орталығы

    М.Тұяқбаев: Қазақстанда 83 мың адам жол-көлік апатынан қаза тапты

    "Тәуелсіздік алғаннан бастап бүгінге дейін Қазақстанда 83 мың адам жол-көлік апаты салдарынан көз жұмды. Бұның алдын алу үшін тек полиция ғана емес, түгел қоғам болып жұмыс істеу керекпіз. Біз балаларды, жастарды ақпараттандыру мақсатында балабақшаларда, мектептерде түрлі іс-шаралар өткіземіз. Биыл қаңтар-қазан айларында 13 391 ЖКО тркелді. Бұл өткен жылдың сәйкес кезеңімен салытырғанда 4,8 пайызға артық. Бұл кезеңде ЖКО кезінде зардап шеккендердің саны 17 794 адамды құрап отыр. Бұл да 2018 жылдың он айымен салыстырғанда 8,2 пайызға жоғары", - деді басқарма бастығы. 

    Сондай-ақ оның айтуынша, елімізде жылына 2000 адам жол-көлік апатынан қайтыс болып отыр. 

    Қазақстанда жыл сайын жол апатынан 2000 адам қайтыс болады. Сонда күніне бес адам көз жұмады деген сөз. Олардың жартысынан астамы көлікке мінбейді, яғни, жаяу жүргіншілер болып отыр. Тағы 20 мыңға жуық адам алған жарақаттарынан еңбекке жарамсыз болып қалады. Ал жараланғандар мен қаза болғандардың саны орташа есеппен 8,5 пайызға өсіп отыр", - деді Тұяқбаев.

    Бұдан бөлек баспасөз мәжілісіне қатысқан ДДҰ-ның Қазақстандағы тұрақты өкілі Олег Честнов көлік апаты салдарынан әлемде жылына 1 жарым млн-ға жуық адам қаза табатынын атап өтті. Оның айтуынша, көп жағдайда балалар мен жастардың қайтыс болуына да осы жол апаты себеп болып отыр. Себебі жастар мен балалар үлкендермен салыстырғанда инсульт, жүрек талмасы секілді ауруларға шалдықпайды.

    "Әлемде жыл сайын 1 жарым миллионға жуық адам жол-көлік апатынан қайтыс болады, ал күніне 3700 адам жан көлік апатынан жан тапсыруда. Әр 24 секунд сайын бір адам ұайтыс болады. Бейбіт күнде мұндай сандар біздің өмірімізде қандай да бір трагедияның барын көрсетеді. Себебі жоғарыда атап өткенімдей, саларынан көп адам қайтыс болуда. Бүгінгі жиында азаматтарды абай болуға шақырамыз. Алайда біз оған себептер көп екенін білеміз. Дегенмен бұл мәселенің алдын алуға болады. Өкінішке орай, Қазақстанда және әлемде балалар мен 29 жасқа дейінгі қайтыс болатын жастардың көбісі осы жол-көлік апатынан болып отыр", - деді ол. 

    Сонымен қатар Олег Честнов жол апатынан қайтыс болғандардың 60 пайызын құтқарып алуға болатынын айтып өтті. Сол себепті ол көлік жүргізушілерін жол ережерін сақтауға және алғашқы көмек көрсетудің әдіс-тәсілдерін үйреніп алуға шақырды.

    "Біз көп жағдайда апат болғаннан кейін ғана адам өмірін арашалауға ұмтыламыз. Көлік апатынан қайтыс болғандардың 60 пайызын құтқарып алуға болар еді. Біз көбінесе медицина мамандарын күтіп қаламыз. Сол себепті көлік жүргізушілерін жол ережерін сақтауға және алғашқы көмек көрсетудің әдіс-тәсілдерін үйреніп алуға шақырамын. Сондай-ақ апат кезінде ондаған миллион адам ауыр жарақат алады, бұл ел экономикасына және денсаулық сақтау саласына үлкен шығын, ауыртпалықтар әкеледі. Дүниежүзілік денсаулық ұйымының бағалауы бойынша, жол-көлік апатынан жарақат алғандарға кететін шығын жалпы ішкі өнімні 0,4 пайыздан 4,1 пайызға дейін құрайды", - деді ол.

    Бұдан бөлек конференцияға қатысқан ҚР ІІМ Әкімшілік полиция комитетінің өкілі Ақтоты Боранова елімізде жол-көлік апатынан қайтыс болған балалар санының артқанын айтып, ата-ананы жол ережелерін сақтауға шақырды.

    "Апат салдарынан 3409 бала жараланып, 200-ге жуық бала қайтыс болды. Бұл көрсеткіш өткен жылдың сәйкес кезеңімен салыстырғанда 10 пайызға көп. Көліктің жай ғана техника екендігін ескерейікші. Тіпті адам да қатты жүгіріп келе жатып, бірден тоқтай алмай қалады. Ата-аналар да жанына балаларын ертіп жүргенде үйретіп, жолдан өтпей, қызыл жанғанын күтуі керек. Себебі балалар ата-анасының, үлкендердің істегенін істейді. Сіз жол ережесін сақтамасыңыз, ол да солай жол ережесін сақтамайтын болады", - деді ол.

    Оның айтуынша, көп жағдайда жол-көлік апатының 96 пайызы жүргізушілердің, ал қалған 4 пайызы жаяу жүргіншілердің кесірінен болады. Алайда ол жол-көлік апатына тек көлік жүргізушілері ғана емес, жол қозғалысына қатысушылардың барлығы - балалар да, үлкендер де әсер ететінін атап өтті. 

    Назерке Сүйіндік