• 3757 барлығы
  • 1 бір айлық
  • 0 апта ішінде

Ақпарат орталығы

Мальта Қазақстанмен ынтымақтастықты жан-жақты дамытуға дайын

Кездесуде тараптар әр түрлі салаларда екіжақты ынтымақтастықтың даму перспективаларын талқылады. С. Нұртаев Қазақстанның Мальтамен сауда-экономикалық ынтымақтастық әлеуетін ашуға мүдделі екенін атап өтті. Қазақстандық дипломат туризм және білім саласындағы ынтымақтастықтың үлкен мүмкіндіктерін де атап өтті.

Әңгіме барысында елші Қазақстанда жүзеге асырылып жатқан саяси және экономикалық өзгерістер, ЭКСПО-2017 көрмесіне дайындық, Қазақстанның БҰҰ Қауіпсіздік Кеңесінің тұрақты емес мүшесі ретіндегі қызметі туралы айтып берді.

С. Нұртаев «Нұрлы жол» бағдарламасы және Бес институционалдық реформаны іске асыру бойынша «100 нақты қадам» Ұлт жоспары негізінде экономиканы әртараптандыру бойынша Қазақстанда қабылданып жатқан шаралар, инвестициялық климатты жетілдіру бойынша жүргізіліп жатқан жұмыстар, сондай-ақ жекешелендіру процесі туралы ақпараттандырды. Елші Қазақстанның халықаралық бітімгерлік бастамалары туралы да айтып берді.

Мари-Луиз Колейро Прека Қазақстан-Мальта екіжақты ынтымақтастығының одан әрі нығаюын тілеп, Мальтаның Қазақстанмен барлық сала бойынша өзара іс-қимылды жан-жақты дамытуға дайын екенін жеткізді.