Қарағандыда
  • USD 378.17
  • EUR 429.11
  • RUB 5.88
Қала әкімдігінің ресми интернет ресурсы

Ақпарат орталығы

ГлавнаяАқпарат орталығы

    Мемлекет басшысының төрағалығымен кеңес өтті

    Кеңес отырысында ішкі және сыртқы саясат, әлеуметтік-экономикалық даму, қауіпсіздік және құқық қорғау органдарының қызметін қамтамасыз ету мәселелері қаралды.

    Қазақстан Президенті халықтың тұрмыс-тіршілігі үшін маңызы бар басқа да салалардағы бағдарламаларды сапалы орындауға баса мән берді.

    Қасым-Жомарт Тоқаев барлық бағыттар бойынша туындайтын проблемаларды шұғыл әрі тиімді шешудің маңыздылығын айтты.

    Мемлекет басшысы Президент Әкімшілігіне барлық тапсырмалардың орындалуын бақылауға алуды тапсырды.

    Сонымен қатар, Мемлекет басшысы Премьер-Министр Асқар Маминді қабылдады. Кездесу барысында Қасым-Жомарт Тоқаевқа еліміздің қазіргі әлеуметтік-экономикалық жағдайы және Үкіметтің биылғы 2 айда атқарған жұмыстарының нәтижелері туралы баяндалды.

    Ұсынылған мәліметтерге сәйкес, биылғы қаңтар-ақпан айларында өнеркәсіп өндірісі – 2,7 пайызға, ауыл шаруашылығы – 3,6 пайызға, құрылыс – 2 пайызға, қызмет көрсету саласы – 3,9 пайызға өскен. Экономиканың түрлі салаларының да жақсара түскені байқалады.

    Қазақстан Президенті Ұлт жоспары аясындағы құрылымдық және институционалдық реформаларды, сондай-ақ, Тұңғыш Президент – Елбасының жолдаулары мен тапсырмаларында қамтылған әлеуметтік саладағы шараларды сапалы жүзеге асыруды, бюджет қаражатын тиімді игеру тұрғысынан негізгі мемлекеттік бағдарламаларды орындауды, экономиканы әртараптандыру жөніндегі жұмыстарды жалғастыруды, еліміздің жекелеген аймақтарында су тасқынына тосқауыл қою шараларын жедел қабылдауды тапсырды.

    Премьер-Министр Мемлекет басшысына Үкімет тарапынан бюджеттік міндеттемелер мен әлеуметтік бастамалардың барлығының толықтай орындалуын қамтамасыз етіп, әлеуметтік маңызы бар тауарларға бағаның негізсіз өсуін болдырмау және экономикалық өсімнің сапасын арттыру үшін тиісті жұмыстарды жалғастыра беретінін жеткізді.

    Кездесу қорытындысы бойынша Қазақстан Президенті бірқатар нақты тапсырма берді.

    Президент Мемлекеттік хатшы Бақытжан Сағынтаевты қабылдады. Кездесуде Мемлекет басшысына Президент жанындағы консультативтік-кеңесші органдардың қазіргі жұмыстары жөнінде баяндалып, ұлттық және мемлекеттік мейрамдарды мерекелеуге дайындық барысы туралы мәлімет берілді.

    Қасым-Жомарт Тоқаев Мемлекеттік хатшыға «Нұр Отан» партиясының съезінде айтылған барлық тапсырмалардың орындалуына, стратегиялық бағдарламалар мен бастамалардың жүзеге асырылуына тиісті бақылау жасауды тапсырды.

    Қазақстан Президенті Ұлттық банк төрағасы Ерболат Досаевты да қабылдады. Кездесуде Қасым-Жомарт Тоқаевқа еліміздің валюта-қаржы нарығындағы ахуалы мен алтын-валюта қорының жағдайы туралы мәлімделді.

    Мемлекет басшысына инфляцияның төмен деңгейін ұстап тұруға және валюта айырбастау орындарындағы алып-сатарлық операциялардың алдын алуға бағытталған ақша-несие саясатын жүзеге асыру жөніндегі жұмыстардың нәтижелері мен алдағы уақытта атқарылатын шаралар туралы баяндалды.

    Кездесу қорытындысы бойынша Қазақстан Президенті Ұлттық банк төрағасына валюта нарығының, банк секторының және қаржы нарығының басқа да сегменттеріндегі ахуалдың тұрақтылығын қамтамасыз етуді тапсырды.

    Қорғаныс министрі Нұрлан Ермекбаев Мемлекет басшысына еліміздің Қарулы Күштерінің қазіргі жағдайы мен министрлік қызметінің стратегиялық бағыттары туралы мәлімдеді.

    Н.Ермекбаев Қазақстан Президентіне армияның қорғаныс қабілетін арттыру және әскерді қару-жарақпен қамтамасыз ету үшін қабылданып жатқан шаралар туралы баяндады.

    Кездесу қорытындысы бойынша Қасым-Жомарт Тоқаев бірқатар нақты тапсырма берді.

    Ішкі істер министрі Ерлан Тұрғымбаев Мемлекет басшысына ведомствоның қазіргі қызметі, сондай-ақ, елімізде құқықтық тәртіпті қамтамасыз ету үшін қабылданып жатқан шаралар туралы есеп берді.

    Ерлан Тұрғымбаев Қасым-Жомарт Тоқаевқа ішкі істер органдарын реформалау және министрліктің жеке құрамын кезектен тыс аттестациядан өткізуге әзірлік барысы жөнінде баяндады.

    Кездесу қорытындысы бойынша Қазақстан Президенті бірқатар нақты тапсырма берді.

    Оқи отырыңыз:

    Президент Н.Назараев өз өкілеттілігін тоқтатты

    Орталық Азиядағы ең үлкен мешіт салынады

    Ақмола облысына жаңа әкім тағайындалды

    Көмекке аса мұқтаж және көпбалалы отбасылар биылғы 1 сәуірден қалмай әлеуметтік көмек алуы қажет

    Ең алдымен халықты жұмыспен қамту керек – Н.Назарбаев

     

Афиша

Мақтан тұтамыз!

Бокс

ГеннадийГоловкин

Бокс

СерикСапиев

Футбол

ФК
Шахтер

Коньки

АйдоваЕкатерина