Қарағандыда
  • USD 383.01
  • EUR 430.12
  • RUB 6.10
Қала әкімдігінің ресми интернет ресурсы

Ақпарат орталығы

ГлавнаяАқпарат орталығы

    Қазақстанда өнеркәсіптің даму деңгейі – ҚР ИИДМ мәлімет берді

    Индустрия және инфрақұрлымдық даму министрінің орынбасары Аманияз Ержановтың мәліметінше, 2019 жылдың алғашқы 5 айының қорытындысы бойынша өнеркәсіп 11,8 триллион теңгеге (2% - ға), тау-кен секторының дамуы 6,8 триллион теңгеге (0,7%-ға) және өңдеу өнеркәсібі 4,3 триллион теңгеге (3,6%-ға) өсіпті.

    «Елімізде индустрияландырудың екінші бесжылдығы 2015 жылдан бастап жүзеге асырылып келе жатыр. Бұл жыл – бесжылдықтың соңғы жылы. 2018 жылы Индустрияландыру картасы аясында 13 мыңнан астам тұрақты жұмыс орындарын құру арқылы 1,3 триллион теңгеге 102 жоба іске қосылған еді. 2018 жылдың жылдың қорытындысы бойынша индустрияландыру бағдарламасының барлық мақсатты индикаторлары бойынша оң нәтижелерге қол жеткізілді", - деді Индустрия және инфрақұрылымдық даму вице-министрі Аманияз Ержанов үкіметте өткен брифинг барысында.

    Оның мәліметінше, 2019 жылы да Қазақстан республикасы оң динамикасын сақтап қалды. Өсім мынадай салаларда да байқалған, олар: жеңіл өнеркәсіп (+23,0%), машина жасау (+16,0%), мұнай өңдеу (+9,4%), түсті металлургия (+7,8%) және химия өнеркәсібі (+0,8%) болып табылады.

    Осы жылдың алғашқы 4 айында өңделген өнім экспортының көлемі 5 миллиард АҚШ долларын құраған екен. Ал, 2018 жылдың 4 айы ішінде 5,2 млрд. АҚШ долл. құрады, 4%-ға аз көрсеткіш көрсеткен. 2019 жылғы 1 тоқсанда өңдеу өнеркәсібінің Еңбек өнімділігі 2750,1 мың теңгені құрап, нақыт көлем индексі 101,5 пайызды көрсеткен. Ал, 2019 жылдың 5 айында болса, өңдеуші өнеркәсіптің негізгі капиталына инвестициялар 254,5 млрд. теңгені құрап, нақты көлем индеексі 60,5%-ға яғни 39,5%-ға төмендеген көрінеді.

    «Үстіміздегі жылы біз 1,1 трлн.теңгеге 20 мың тұрақты жұмыс орнын құру арқылы Индустрияландыру картасының 120-дан астам жобасын жүзеге асыруды жоспарлап отырмыз. 2019 жылы 4 ай ішінде 8 миллиард теңгеге 317 тұрақты жұмыс орнын құру арқылы 10 жоба іске қосылды», - деп атап өтті вице-министр.

    Жоспарға сәйкес, Қазақстан республикасы Индустрия және инфрақұрлымдық даму министрлігі Елбасының тапсырмасы бойынша жыл соңына дейін 2020-2025 жылдарға арналған индустрияландыру бағдарламасын бекітуі тиіс. Вице-министрдің сөзінше, негізгі тәсілдер индустриялық-инновациялық даму тұжырымдамасына енгізілңп, ал, ол өткен жылдың желтоқсан айында Үкіметтің қаулысымен бекітілген екен. Бағдарламаның мақсаты – өңдеуші өнеркәсіптің халықаралық бәсекеге қабілеттілігін ынталандыру және тұтастай алғанда, индустриялық-инновациялық саясат сабақтастықты сақтап және экспортқа бағдарланған кәсіпорындарға және еңбек өнімділігін арттыруға баса назар аудара отырып, өңдеу өнеркәсібін дамытуға шоғырландырылатын болады.

    «Бұл бағдарламаның негізгі жаңалықтары келесідей болады: біз өңдеуші өнеркәсіптің барлық салаларындағы тиімді өндірушілерді қолдау пайдасына орай салалық басымдықтардан кетеміз. Әрине, бюджеттік ресурстарды пайдалануға бақылауды күшейту және ұтымды пайдалану мақсатында кәсіпорындарды қолдау нақты көрсеткіштерге (жаңғырту, экспортты өсіру және т.б.) қол жеткізу бойынша Бизнестің қарсы міндеттемелеріне алмасуға ұсынылатын болады. Сондай-аұ, кәсіпорындарды жаңғырту мен технологиялық дамытуға бағытталған қолданыстағы құралдар жетілдіріледі және жаңа құралдар әзірленеді», - деді Аманияз Ержанов.

    Вице-министр қазіргі таңда бағдарлама жобасы әзірленіп, келісу үстінде екенін және жақын арада Ашық нормативтік-құқықтық актілер туралы интернет-порталында және министрлік сайтында жариялы талқылау үшін хабарланатынын айтып өтті.

    Айдана Абдрахманова

    Барлық материалдарды t.me/strategykz telegram аккаунтынан оқи аласыздар.